صبآآح الشوؤق..
و مسآآء الشعر ..~
هآآمش ../
لبّى / الدلع والغَنَج / لبّـى
عـداد مـا كبَّـر ولـبّـى
تامر امر / وامْرَكْ ملبّـى
والمشكله غَصْـب تنحبّـي
..
يا الناعم التَرْف / يا سُكّر
شرياني من الغـلا سَكّـر
لو انّها خَمَـرْ مـا سكّـر
مير البـلا خافقـي شبّـي
..
يا من يسوق الرَجَلْ لمَّـك
وجدي على ضمَّك ولمَّـك
لو امـي أخيَّتـن ل/امـك
من عام الاول وَسَطْ عبّـي
..
واللي خَلَق ليلـك الحالـك
أنّي فلا اتركك فـي حالـك
مـا دام تبغانـي لحـالـك
انا لـك ان قالهـا ربّـي
..
ميّت من الشوق لي مـدَّه
لا طلْت جـزْرَه ولا مـدَّه
يمناك للي غَـرَقْ .. مـدَّه
وشلون اموت ومعك طبّـي
..
يا خوف حظّي معك شانـي
ويقلل الوقت مـن شانـي
تكفى طلبتك علـى شانـي
يكفّـي تضَحَّـك وتلعبّـي
..
ما نيب حملـك ولا قـدَّك
قدِّيـت قلبـي ولا قــدَّك
يا ويل حالي علـى قـدَّك
واللي ورى القـد متخبّـي
..
يا مورّد الخـد ومسمسـم
يا احلى من اللوز والسمسم
يليق بك حاضر وسم سـم
صبّي على ام الحلا صبّـي
..
صحيت كلّـك علـى كلّـك
معقولـه امَـلْ وآكـلّـك
لولا الحيا اشْرَبْك وآكل لك
انت اتدلل .. وانـا البّـي
خطآ مطبعي ../
قلْ متى صوتك يـذوِّب مسمعـي ؟؟
أخْثَـرَكْ / واتشتَّتَـكْ / واتجمَّعَـكْ
من شَعَرْ راسي / اليا حَـدْ اصْبعـي
اخْدَرَكْ كلّي / وانـا رهْـن اصْبَعَـكْ
ابتديك من الوعـي / لـاللاوعـي
وانتهيك انّي مَعَكْ / ماني مَعَـكْ !!
جيت اضمّك وادْفَنَـكْ بيـن اظْلُعـي
خفت يا عمري من الشوق اوْجَعَـكْ
من كثر م/ امْسَـح بكفّـي مدمعـي
صرت أحسْ انّـه ينـوح ويدْمَعَـكْ
لو بكيتك / لو خذيـت الْعـي لَعـي
ما شفيت إلا علـى جمـر اظْلَعَـكْ
لو عليّ اسْتوْعَبَكْ / و أفهم / و اعي
لكـن !! ابْليـا شعـوري اتْبَـعَـكْ
أنت لو مخلوق يـوم اخْلَـق معـي
ما أظنْ اروى / ولا أظـنْ اشْبَعَـكْ
هات روحك خَـلّ اورِّيـك اوْجَعـي
كـان لا شفتـه تحـنْ ويقْنَـعَـكْ
ودّي اصـوِّر عـذابـي مقطـعـي
كود عـن ظلمـي حبيبـي يمْنَعَـكْ
مصرعي / وشلون اواجه مصرعـي
من قبل م/ ابْري عيونـي واسْمَعَـكْ
يا فريد الحسـنْ / قَرْبَـك مطمعـي
ايه وربّي مـن يذوقـك / يطْمَعَـكْ
والله انّي مـا كَذَبْـت / ولا ادَّعـي
مستحيل اخون روحي واخْدَعَـكْ !!
بسألك كانـي خطـاك المطبعـي !!
لو بغيت أموت / كيـف اودَّعَـكْ ؟؟
لـ الشاعر / بــدر الدخيـل ..~
o'JJJJJN l'fuJJJd >>
0 Responses to خطـــــآ مطبعـــي ..